Zidan Tairi apo Zidani shqiptar nga Llakavica e Gostivarit, i cili me familjen e tij jeton në Zvicër, ka nënshkruar kontratë profesionale me klubin gjerman të futbollit Hoffenheim.
Tairi i cili aktualisht është 16 vjeç, luan futboll që nga mosha e vogël, ndërsa për shtatë vite ka luajtur për F.C “Zürich” – U 17. Ai luan edhe për reprezentacionin e Zvicrës të grup – moshave U 16.
“Jam shumë mirënjohës që mund të nënshkruaj kontratën time të parë me TSG Hoffenheim.
Pres sfida të reja dhe jam gati të jap gjithçka”, deklaron për TV “Globin” nga Maqedonia e Veriut, Zidan Tairi, futbollist.
I riu me talent të jashtëzakonshëm kontratë profesionale ka edhe me kompaninë e njohur për veshje sportive “Adidas” që para katër vitesh. Ajo do ti zgjasë edhe për tre vite, gjegjësisht deri në vitin 2026.
