Policia e Kosovës ka publikuar statistikat e përgjithshme të 24 orëve të fundit, ku janë evidentuar dhjetëra aksidente trafiku dhe mijëra gjoba për shkelje në komunikacion.
Sipas të dhënave zyrtare, gjatë kësaj periudhe janë regjistruar 21 aksidente trafiku me persona të lënduar dhe 28 aksidente me dëme materiale, ndërsa nuk është shënuar asnjë aksident me fatalitet.
Po ashtu, policia ka shqiptuar 2 mijë e 488 tiketa trafiku ndaj pjesëmarrësve që kanë shkelur rregullat në komunikacion.
Gjatë 24 orëve të fundit janë arrestuar 14 persona, 10 persona janë dërguar në mbajtje, ndërsa dy persona janë raportuar në vuajtje të dënimit./Gjilani INFO/
