Biznesi duket se po del të jetë pikë e fortë e shqiptarëve, sidomos kur ushtrohet jashtë Kosovës. E gratë shqiptare kanë hyrë fuqishëm në treg duke drejtuar ngado që kthejmë kokën.
Leonora Fejzullahu është një grua e cila migrimin e saj për në Zvicër e ktheu në pikë të fortë dhe sot është më e realizuar se kurrë duke drejtuar një kompani ndërtimi në Zvicër. Madje ajo në një afat të shkurtër kohor po e mendon edhe investimin në Kosovë.
Së fundmi, Leonora në një intervistë në ATV ka treguar për rrugëtimin e saj që në të shumtën e rasteve nuk ka qenë fort i lehtë. Ajo ka vendosur që të marr guximin dhe të nis një kompani ndërtimi ku pjesa dërrmuese e punëtorëve të jenë shqiptarë që jetojnë në Zvicër.
Gjithçka ka nisur në Zvicër kur Leonora Fejzullahu vendosi që të hap një kompani ndërtimi.
Një ndër sfidat kryesore që ajo kishte kaluar ishin paragjykimet se ishte grua dhe po drejtonte një kompani ndërtimi. Sipas saj ka pasur raste që ka humbur nga ana monetare vetëm që të jua dëshmonte burrave që ajo po ja dilte mbanë edhe me një kompani ndërtimi.
Ndër tjera ajo ka treguar që shumë shpejt do investojë edhe në Kosovë dhe një ndër arsyet kryesore është se ka dalluar që gratë në Kosovë kanë talent të jashtëzakonshëm
