Me qëllim parandalimin e zjarreve dhe shqyrtimin e mundësive për të parandaluar këtë dukuri mjaft shqetësuese dhe te rrezikshme, ka mbajtur takimin Ekipi Veprues për Siguri në Bashkësi që vepron në Komunën e Vitisë.
Policia e Kosovës në Viti në takimin e organizuar me përfaqsues të fushave të ndryshme, kanë bashkëbiseduar për gjendjen aktuale të rreziqeve nga zjarret e mundshme të cilat mund të shpërfaqen kryesisht në zonat malore dhe hapsirat fushore.
Në këtë takim, kreu i kësaj Komune, Sokol Haliti, ka kërkuar përkushtim nga të gjithë akterët e fushave, që përmes aktivitete të tyre të jenë vigjilent dhe në nivel të përgjegjesive, edhe gjatë kësaj vere ndaj zjarreve që mund të sjellin pasoja.
Ai ka thënë se projektet e tilla janë përkrahur dhe do të përkrahen si gjithmonë nga Policia e Kosovës në Vitis dhe gjithë akterët e fushave, si bie fjala: Drejtoria e Shërbimeve publike dhe e Emergjencës, Drejtoria e Bujqësisë dhe Pylltarisë, KKSB, KLSB, EVSB, vrojtuesit e lagjeve, bashkësit fetare si dhe zjarrfikësit.
Nga takimi ka dal zotimi për të vepruar së bashku në parandalimin e zjarreve, duke intensifikuar angazhimet edhe në mbajtjen e fushatave vetëdijesuese me nxënësit e shkollave, si dhe fushatave vetëdijësuese përmes mjeteve të me qëllim parandalimin e zjarreve në përgjithësi në Komunen e Vitisë./GJILANI INFO/
