Një ëmbëlsirë kremoze që në kombinim me këtë frutë të jep një kënaqësi fenomenale
Përveç pudingut të zakonshëm, pse të mos provoni diçka pak më ndryshe dhe të bëni një ëmbëlsirë të vërtetë orientale.
Përbërësit:
– 2 mollë,
– 2 feta bukë integrale,
– lajthi ose arra të grira,
– 1 l qumësht + 1 dl qumësht,
– 3 lugë niseshte gruri,
– 2 lugë mjaltë,
– pak kanellë.
Përgatitja:
1. Pritini mollët në kubikë, spërkatni me kanellë dhe shtoni dy feta bukë integrale të prera në kubikë dhe lajthi ose arra të grira. Përsëriteni të gjithë këtë edhe një herë, derdhni sipër 1 dl qumësht dhe piqni në një tepsi të vogël në temperaturë 175 gradë për 20-25 minuta.
2. Gjatë kësaj kohe ngrohni një litër qumësht në pllakë shporeti dhe tri lugë niseshte gruri i përziejmë në një enë dhe e hedhim në qumështin e vluar. Ulni zjarrin dhe ziejini duke e përzier vazhdimisht (nëse dëshironi, mund të zieni një puding të zakonshëm me vanilje).
3. Kur fillojnë të krijohen flluska, shtoni dy lugë mjaltë, përzieni, hiqeni nga zjarri dhe ftoheni. Hidhni mollët në një gotë të përshtatshme, sipër vendosni pudingun dhe dekorojini sipas dëshirës.
Shijojeni, –
