Shkroi: Arben Kurteshi
Rinia jonë mendjendritur nuk e lëshon vendin se ajo nuk e do punën, por pikërisht se ajo atë e do, dhe e kërkon edhe jasht vendit! Ato vende pune që i gjejnë nëpër shtete të huaja të sillen në vendin tonë, dhe kjo është punë dhe detyrë e institucioneve shtetërore.
– Ulja e barrierave ligjore për investor. – Krijimi i kushteve ligjore, siguria ligjore për investor. – Përpilimi i përbashkët i kushteve dhe ligjeve me investorët në përputhshmëri me ligjet e Kosovoës e ato ndërkobëtare. – Krijimi i kushteve të sigurisë sociale, sigurime të qëndrueshme shëndetësore dhe të papunësis. Mund të sjellin investime të shpejta, të mëdha dhe të qëndrueshme në vend.
Pa krijimin e kushteve të lartpërmendura nuk do të investohet në vendin tonë, dhe nuk do ti kthehet shpresa rinësë për të ndërtuar ardhmërin në atdhe. Aty ku është potenciali ynë i madhë është edhe defekti ynë; pra pikërisht te ideali dhe vizioni ynë!
Fatëkeqësisht caku i idealit dhe vizionit që nga pas lufta e deri sot është pushteti, dhe kur pushteti është cak i idealit të zemrës dhe vizionit të mendjes atëherë zhvillimi i vendit mbetet sekondarë dhe i lënë pas dore!
Vendi në dy dekadat e fundit është zhvilluar pikërisht aq sa mund të zhvillohet një vend i lënë pas dore. Edhe pse ne kemi shumë shembuj nga shtetet tjera që u zhvilluan brenda dy dekadave. Për shembull Gjermania e cila ishte shumë e shkatërruar e bërë rrafsh me tokë pas luftës së dytë botërore arriti të zhvillohet dhe të bëhet lokomotivë ekonomike e Evropës.
Gjermanisë vetëm dy dekada pas luftës nuk i mjaftoi fuqia e vetë punëtore dhe kërkoj punëtorë jash shtetit , sikur që kërkuan edhe në vendin tonë në vitin 1965 pra vetëm dy dekada pas përfundimit të luftës së dytë botërore.
Shteti juridikisht i panjohur nga UE dhe SHBA-ja, që nuk ka ulëse në OKB, pra pothuaj se juridikisht shtet „joekzistent“ dhe prap një ndër shtetet më të zhvilluara në botë, që e njohën deri sot vetëm 17 shtete nga 193 është Tajvani që ka një Bruto Produk Vendor për kokë banori 25‘000$!
Pra, argumentet se nuk na njohu ky apo ai shtet, nuk jemi anëtarë të kësaj apo asajë organizate janë vetëm viktimizim dhe asgjë tjetër për moszhvillimin e vendit në nivel evropian e përtej në dy dekadat e fundit!
Nëse duam që të rrjedhë një lumë i madh investues drejt vendit tonë, është detyrë e jona ta përgaditim proaktiv shtatin ligjorë të atij lumi! Përndryshe do të kemi vetëm ndojnë prrua sikur deri sot, dhe jo lumenjë investues.
Para fillimit të mrekullisë ekonomike Irlandës i ikën gjysma e popullsisë gjithësej katër milion në Amerik! Irlanda, brenda një gjenerate prej shtetit më të varfër në evropën perendimore në shtetin gati më të pasurë në botë, për kokë banori !
Prej 40-të miliardëve dollarë në fillim të viteve të 90-ta në mbi 133 miliardë dollarë në vitin 2008 ka arriturë rritja e produktivitetit të shtetit. Vetëm për 18-të vite rritje mbi 90 miliardë dollarë. Japonia dhe Korea e Jugugut poashtu janë zhvilluar edhe më shpejt se dy dekada.
Zhvillimi ekonomik fillon në kokë, dhe madhësia e zhvillimit ekonomik varet nga madhësia e masave të marra dhe nga veprimet pasuese për zhvillim./GJILANI INFO/
