Takimi reth 8 orësh me presidentin serb Aleksandar Vuçiq, i ndërmjetësuar nga Shefi i Bashkimit Evropian për Politikë të Jashtme dhe Siguri, Josep Borrell dhe me Emisarin e BE-së për dialogun Kosovë-Serbi, Miroslav Lajçak ka përfunduar pa marrëveshje për targat.
Ndërsa nga nesër do të filloj shqiptimi i gjobave për qytetarët që kanë makina me ato që autoritetet në Kosovë i konsiderojnë targa ilegale serbe.
Pesë orë bisedime asnjë marrëveshje në Bruksel – Borrell: E dhamë një propozim që e pranoi Vuçiqi por jo Kurti.
”Ashtu siç është bërë e ditur sipas vendimit për targat Nr.05/103, deri me datë 21 nëntor ishte paraparë shqiptimi i masës së qortimit, ndërsa pas kësaj date nga njëzet e dy (22) Nëntori, Policia e Kosovës e ka bërë të ditur se do të filloj zbatimin e shqiptimit të gjobës sipas legjislacionit në fuqi, i cili sipas vlerësimit dhe planit policor pritet të filloj po në këtë datë (22.11.22) gjatë ndërrimit të paradites.”, thuhet në përgjigjen e policisë.
Kurse, siç njofton Policia, nga 1 nëntori janë shqiptuar rreth një mijë e 740 qortime për serbët që bartnin targa ilegale.
Josep Borrell, pas takimit deklaroi se nuk është arritur asnjë zgjidhje pavarësisht bisedimeve të gjata që u zhvilluan që nga mëngjesi i sotëm. Borrell ka bërë të ditur se ua ka bërë palëve një propozim për ta shmangur përshkallëzimin e situatës në veri të Kosovës, por sipas tij, këtë propozim e ka refuzuar Kurti.
Borell: Do t’i informoj partnerët për sjelljen e Kosovës
Ai ka thënë se do t’i njoftojë të gjitha shtetet anëtare për sjelljen e dy palëve, por me theks përmendi Kosovën.
Ndërsa kreyministri Kurti tha se shpreson se BE do të gjejë forcën që t’i rrijë prapa propozimit të saj për normalizimin e marrëdhënieve të Kosovës dhe Serbisë. Duke theksuar “ se pas 8 orësh takime nuk kanë marrëveshje”.
