Nga statistikat e përgjithshme për 24 orët e fundit nga Policia e vendit, bëhet e ditur se gjatë një dite kanë ndodhur 64 aksidente trafiku si dhe janë shqiptuar 1 mijë e 789 gjobitje për ngasësit e automjeteve për shkelje të dispozitave ligjore dhe rregullave në trafikun rrugor.
Duke iu referuar shifres së përgjithshme të aksidenteve thuhet se 26 prej tyre kanë qenë me lëndime si dhe 38 tjerat me dëme materiale.
Njoftohet gjithashtu edhe për arrestimin e 27 personave, dërgimin në mbajtje të 17 personave si dhe 3 personave tjerë në vuajtje të dënimit./Gjilani INFO/
