Sot, në një atmosferë të veçantë respekti, Drejtori i Drejtorisë Komunale të Arsimit në Gjilan, z. Jeton Rexhepi, zhvilloi një takim nderimi me rastin e pensionimit të dy figurave të respektuara të arsimit në Gjilan.
Me mirënjohje për kontributin e çmuar, përkushtimin dhe profesionalizmin e dëshmuar ndër vite, u nderuan z. Fatmir Selimi, zëvendësdrejtor i SHFMU “Selami Hallaqi”, dhe z. Jakup Neziri, profesor në Shkollën Ekonomike “Marin Barleti”.
Drejtori Rexhepi vlerësoi lart punën e palodhshme, përgjegjësinë dhe kontributin e tyre në edukimin dhe formimin e brezave, duke theksuar se përkushtimi i tyre mbetet pjesë e rëndësishme e historisë së arsimit në Gjilan.
Mirënjohje për një jetë të përkushtuar arsimit, respekt për punën dhe nderim për kontributin e dhënë ndër vite./Gjilani INFO
