Një vdekje e dyshimtë raportohet se ka ndodhur mëngjesin e së martës në Ranillukë.
Policia njofton se një person dyshohet se është rrëzuar aksidentalisht.
I njëjti ka pësuar lëndime trupore dhe pasi është dërguar në shtëpinë e shëndetit mjeku kujdestar ka konstatuar se është pa shenja jete.
“Ranillukë 28.02.2023-10:30. Viktima mashkull kosovar dyshohet se është rrëzuar aksidentalisht. Viktima ka pësuar lëndime trupore dhe është dërguar në shtëpinë e shëndetit ku mjeku kujdestar ka konstatuar se viktima nuk ka shenja jete”, thuhet në raportin policor.
Trupi i pajetë i viktimës është dërguar në Institutin e Mjekësisë Ligjore për obduksion.
