Arben Kurteshi
Përkundër sfidave të mëdha që jemi përballur si komb në Ballkan, kemi arritur të krijojmë mrekullinë tonë shtetin e dytë. Një histori që fillon nga rrënojat dhe që shfaq synimin tonë të ngritjes së fuqishme. Është një histori që vërteton se mendja e shëndoshë dhe fuqia e synimit shpirtëror me vendosmëri, ideal e vizion duke krijuar miqësi, mund të krijojë shtet të fuqishëm dhe të zhvilluar.
Kujtojmë se Gjermania, edhe pse ishte shkatërruar pas Luftës së Dytë Botërore, u ngrit përsëri për vetëm dy dekada dhe bëri një kthim të mrekullueshëm në ekonomi.
Po ashtu, Japonia shfaqi një rritje të mrekullueshme pas luftës dhe u bë një fuqi ekonomike ndër më të fuqishmet në botë. Historitë e tjera si Irlanda dhe Korea e Jugut dëshmojnë se investimet në arsim dhe zhvillimin e cilësisë mund të shpërblehen me zhvillim të shpejtë ekonomik.
Për ne, kjo është këmbanë dhe thirrje për të vazhduar të punojmë, të vizionojmë dhe të sakrifikojmë për të krijuar një shtet të fuqishëm dhe të zhvilluar. Duke pasur një qëllim të përbashkët dhe duke iu përgjigjur sfidave me vendosmëri, mund të arrimë mrekullinë tonë shtetërore dhe të bëhemi një shembull për zhvillim në rajon e përtej./GJILANI INFO/