Sipërmarrës i ri, ambicioz dhe i suksesshëm nga Gjilani, por i rritur në Austri, Meriton Shurdhani, pas formimit të një kariere jashtë vendit, vendos që të kthehet tek rrënjët e paraardhësve, për të ndikuar në tregun e brendshëm, me synim për të rritur perspektivën e të rinjve të Kosovës.
Ky sipërmarrës përplotë energji, ka themeluar dy kompani të cilat edhe po lulëzojnë në tregun lokal, por edhe që kanë shtrirje në të gjithë botën.
Mesh COM dhe Development Solution Agency (DSA) janë kompanitë e tij, të cilat merren kryesisht me zhvillimin e ueb aplikacioneve dhe aplikacioneve mobile, dizajn grafik, brendim, jashtëkontraktim (outsorcing), ofrim të ndihmës për biznese, etj.
Meritoni ka filluar aktivitetin e tij biznesor në mars të vitit 2016, dhe që nga ajo kohë e këndej, në kompaninë e tij ka 11 punonjës dhe gjithashtu edhe zyrat në Austri, Kosovë dhe Zvicër.
Kompanitë e përmendura, kanë qëllim zhvillimin e ueb aplikacione dhe uebsajte të cilësisë së lartë, në mënyrë që bizneset të jenë më efikase dhe në gjendje për të arrijtur qëllimet e tyre.
E, vizioni i kompanive te tij është që të jenë destinacioni kryesor sa i përket shërbimeve të zhvillimit të uebsajteve për biznese në mbarë botën.
Aktualisht përmes këtyre kompanive edhe po ofrohen shërbime me cilësi të lartë që karakterizohen nga qasja inovative dhe kreative në kuadër të aktiviteteve të tyre.
Pasioni i Meritonit për ndërmarrësi është diçka e dukshme e që reflekohet edhe përmes suksesit të kompanive që ka, andaj edhe mund të themi se ai e kupton potencialin e tregut lokal në aspektin e shtrirjes së tij edhe në nivel botëror.
Zatën për këtë arsyeje, ai edhe është i përkushtuar t’i ndihmojë bizneset dhe komunitetet që të rriten dhe zgjerohen, gjë kjo e cila edhe është e dukshme nga prizmi i partneritetit ndërkombëtar që ka krijuar.
Pra, vetë fakti që Meritoni ka arritur të krijojë shumë partnerë ndërkombëtar tregon qartazi mundësitë që kihen ditëve të sotme për të arritur suksese, dhe lidhjet që mund të krijohen me njerëz nga e gjithë bota.
Pavarësisht faktit që për momentin Meritoni funksionon në Kosovë, në Gjilan dhe Prishtinë, ai ka arritur të i jep jehonë emrit dhe kompanive të tij edhe në nivele botërore, duke dëshmuar dhe treguar se me punë dhe vendosmëri, të gjithë mund të bëhen të suksesshëm.
Andaj, edhe le të shërbejë rrugëtimi i sukesshëm i tij, si shembull dhe frymëzim për të rinjtë tanë, brenda apo jashtë vendit, që dëshirojnë të kontribuojnë për vendin, komunitetin dhe njerëzit e tyre.
Pra, si një mesazh i qartë se ëndrrat mund të realizohen gjithmonë, por me përkushtim në punë, pavarësisht nga vendi ku njeriu jeton./GJILANI INFO/
