Kapiteni Granit Xhaka është i gatshëm për sfidën me Kosovën, që do të luhet me 9 shtator (20.45) në stadiumin “Fadil Vokrri” në Prishtinë.
Media zvicerane habit për Granit Xhakën para ndeshjes me Kosovën.
Një analizë e re e të dhënave nga Opta, kapiteni i Kombëtares së Zvicrës ka vlerat kulmore në fillim të sezonit.
“Ai ishte transferimi mbret i Leverkusenit. I sjellë për të sfiduar Bayernin dhe për të luajtur për tituj. Granit Xhaka e nisi mirë. Kapiteni i kombëtares marshoi pa mundim në njëmbëdhjetëshen startuese dhe u ngrit shpejt për t’u bërë shtylla kryesore.
Leverkuseni ka fituar çdo ndeshje këtë sezon. Gjithmonë me një Xhakë të fortë në qendër. 3:2 kundër Leipzig, 3:0 ndaj MGladbach, 5:1 në duel me Darmstadtin, një fillim i sezonit që ju bën të uleni dhe të vini re.
Xhaka sjell të gjithë klasën e tij në fushë menjëherë në Bundesligë. Kjo duket jo vetëm nga rezultatet e mira, por edhe nga një vështrim në bazën e të dhënave. Siç njoftoi platforma e statistikave Opta në rrjetet sociale, Xhaka ka vlera të spikatura në disa fusha në fillim të sezonit.
Asnjë lojtar tjetër i Bundesligës nuk regjistroi më shumë pasime në tre ndeshjet e para se Xhaka (52). Askush nuk e fitoi topin në gjysmën e kundërshtarit më shpesh se ai (5).
Për Xhakën, Leverkusen iu desh t’i paguante Arsenalit një shifër prej 15 milionë euro”, shkruan mes të tjera media zvicerane “Blick”.
“Klubi dhe Xabi më kanë thënë më parë se çfarë roli duhet të kem.
Dhe kjo korrespondon saktësisht me cilësitë e mia, pikat e mia të forta”. Xhaka gjithashtu e bën të qartë: “Po të kishte pasur një plan tjetër, nuk do të më kishit parë këtu”.
Fillimi i shkëlqyer i sezonit i bën tifozët e Leverkusenit të ëndërrojnë. /NGA: K. GOCA/
