Shkelzen Halimi
Nevoja për një vizion shpresëdhënës sado pak do ta kompensojë zbehjen dhe vonesën e madhe kulturore për të prodhuar vlera të qëndrueshme. Ajo që më së paku nevojitet në këtë kohë është imitimi që dukshëm po e mbyt traditën dhe vetëdijen për burimoren, mbi të cilat mbështetet fuqia e kulturës shqiptare. Pa këto shtylla të rëndësishme nuk mund të flasim për identitetin shqiptare.
Ajo që është shqiptare është e shqiptarëve dhe askush nuk duhet të turpërohet nga ajo që ata i dallon prej të tjerëve. Duke imituar kulturat tjera dhe duke improvizuar, shqiptarët vetëm dëshmojnë se shpirtërorja e tyre është më shumë se e ndrydhur dhe se akoma nuk kanë dalë jo vetëm nga amatorizmi kulturor, por edhe nga amatorizmi politik.
Prandaj, siç thotë populli, është koha që të ndahet shapi prej sheqerit dhe gjërat të shtrohen më ndryshe. Kulturën duhet lënë njerëzve profesional dhe jo infantilëve, të cilët dinë vetëm të imitojnë, të improvizojnë dhe të mbështeten në modele që s’kanë asgjë shqiptare dhe që shpesh janë edhe antishqiptare…
