Kryetari Hyseni prezanton projektin e KultQendrës, paralajmëron prezantimin e 7 projekteve në shtatë javë (VIDEO)
7 javë – 7 projekte
Të dashur qytetarë,
Për çdo javë do të prezantohen projektet më të mëdha për vitin 2024-25. Këto projekte, do të transformojnë qytetin, do të sjellin zhvillim dhe më e rëndësishmja do të rikthejnë Gjilanin në një nga qytetet më atraktive të Kosovës.
KultQendra – 1.2mil €
KultQendra është projekti i parë, që do të ndajmë me ju. Tashmë kontrata është lidhur.
Ndërtimi pritet të përfundojë në këtë vit.
– Sallë alternative e teatrit me rreth 250 ulëse;
– Mbi 400 metër katror-Galeria e qytetit;
– Kinemaja e qytetit.
Për të gjithë ata që duan artin e kulturën, kjo qendër do të sjellë hapësirën e infrastrukturën e nevojshme po aq të munguar.
Ne kemi kthyer vëmendjen meritore ndaj qytetit.
Mega projekte, projekte të jashtëzakonshme për një qytet me njerëz sa meritor aq edhe më të mirë.
Alban Hyseni
Kryetar i Komunës së Gjilanit
