Kryetari i Komunës së Gjilanit, Alban Hyseni, për herë të parë ka pritur në takim ambasadorin hungarez, Jozsef Bencze, me ç’rast ky i fundit u njoftua për projektet si dhe iniciativat e Komunës.
Në një konferencë për media, kryetari Hyseni bëri të ditur se gjatë këtij takimi, diskutimi është shtrirë në sektorë të ndryshme.
“Diskutimi është shtrirë nga zhvillmi ekonomik, arsimi, shëndetësia e kultura e deri tek potenciali i investimeve që mund të vijnë në Gjilan nga kompanitë e huaja, veçmas nga shteti Hungarez”, tha kryetari Hyseni.
Kryetari Hyseni ka falënderuar ambasadorin hungarez për gatishmërinë për thellim bashkëpunimi.
Ndërsa, në anën tjetër, ambasadori hungarez ka shprehur kënaqësinë për vizitën e tij të parë në Komunën e Gjilanit dhe njiherit njoftoi se Ambasada Hungareze do të bëjë një rrugëtim nëpër qytetet e Kosovës me qëllim të zhvillimit ekonomik.
Me këtë rast, ambasadori Bencze tha se Gjilani përfaqëson një mundësi të mirë për ngritjen e bashkëpunimit në zhvillimin ekonomik.
“Gjilani përfaqëson një mundësi të mirë për ngritjen e bashkëpunimit në zhvillimin ekonomik. Kryetari i Komunës së Gjilanit ka një plan të shkëlqyer për të ardhmen. Shpresoj që biznismenët dhe kompanitë hungareze do të shprehin interes për krijimin e marrëdhënieve me bizneset e Gjilanit”, tha ai.
Si përfundim, ambasadori theksoi Bencze se shpreson që të vazhdojë bashkëpunimi deri në takimin e radhës me Komunën e Gjilanit./GJILANI INFO/
