E hëna që vjen, do të jetë dita e parë e punës për 14 persona me aftësi të kufizuara, me të cilët kemi nënshkruar kontratat për fillimin e punës në 12 biznese lokale, ka thënë, Alban Hyseni, Kryetar i Komunës së Gjilanit
Sipas tij, subvencionimi i pagës do të jetë 300€ për periudhën 6 mujore nga komuna si dhe kontributet e paguara nga kompania e cila janë të angazhuar, me mundësi vazhdimi të kontratës nga kompania.
Kryetari Hyseni ka njoftuar se pas punësimit të këtyre personave, do të hapen thirrjet për plotësimin e 6 vendeve të mbetura, e pastaj është shprehur tejet falenderues për këto biznese të cilat kanë mirëpritur këtë iniciativë, si: Bujana Produkt SHPK (2 persona), Albimi LTD (2 persona), Palma SHPK, PIKA 5 A, Zyra për Shërbime Juridike, Avokatia “Imperium” SHPK, Riga Pharm, “ROYAL BEVERAGE” L.L.C., NTSH “Te Agimi”, Bash Omël, T-Consulting.
Bashkë qeverisim, për të gjitha shtresat, ka thënë kryetari Hyseni./GJILANI INFO/
