Përfaqësuesja e Kosovës në futboll më 12 tetor përballet me Andorrën në kualifikimet për Kampionatin Evropian “Euro2024”. Tre futbollistë “dardanë” janë lënduar, kurse Edon Zhegrova është në dyshim.
“Dje u lëndua Ismail Beka. Përveç tij janë të lënduar Shkëlqim Vladi dhe Leart Paqarada, kurse jemi ende në pritje të Edon Zhegrovës që po ashtu pati një problem me një lëndim. Është duke kryer testet para se të merret vendimi definitive. Pas ndeshjeve të fundjavës Vojvoda do t’i bashkohet listës”, ka thënë menaxheri i Përfaqësueses së Kosovës, Bajram Shala.
