Tifozët e AEK-ut u janë kundërpërgjigjur atyre të Olympacosit, teksa mbrëmjen e sotme në duelin e Ligës së Evropës ndaj Ajaxit, kanë nxjerrë një pankartë ku shkruhej: “Kosovo is Albania”.
Ky është mesazhi i parë i tillë që e shfaq që një grup joshqiptar dhe vjen pas një fushate agresive të mesazheve “Kosovo je Serbija” në stadiumet serbe, rumune, greke dhe ruse.
Tifozët e AEK-ut njihen si grup antifashist dhe gjesti i tyre mund të jetë bërë pasi një javë më pare ultrasit e Olympiacosit u shfaq një baner ku shkruhej “Kosova është Serbi”.
Gjesti i tifozëve grekë është konsideruar si tradhti dhe thikë në zemër nga serbët dhe mediat e këtij vendi.
“Kurir.rs” raporton se tifozët e AEK-ut i kanë befasuar me banderolën e tyre, që ka tronditur gjithë Serbinë.
“Tradhti! Tifozët grekë, thikë në zemër serbëve: Vëllezër, këtë nuk e prisnim nga ju! Parulla që tronditi Serbinë”.
Ky është titulli i “Kurir” ndaj banderolës së tifozëve të AEK-ut të Athinës.
