Drejtoresha për Shëndetësi dhe Mirëqenie Sociale, Mimoza Kadriu, së bashku me zyrtaren për shërbime sociale, Salihe Aliu, vizituan qendrën e qëndrimit ditor për të moshuar “Jetimat e Ballkanit”, ku u pritën nga udhëheqësja e saj Taulinda Demi.
“Kjo vizitë u bë, për të parë nga afër funksionimin e saj dhe mënyrën se si po ecin punët në këtë qendër. Udhëheqësja e qendrës, na njoftoi më gjerësisht me aktivitetet dhe shërbimet që ofrohen për përfituesit e kësaj qendre”, tha Mimoza Kadriu.
Më tej ajo tregoi se gjatë vizitës diskutuan edhe për mundësitë dhe format e bashkëpunimit ndërmjet Drejtoratit të Shëndetësisë dhe Mirëqenies Sociale, përmes Qendrës së Mjekësisë Familjare dhe Qendrës për Punë Sociale.
“Kjo po bëhet me qëllim të ofrimit të shërbimeve sa më cilësore dhe mbështetjes së vazhdueshme për të moshuarit”, tha Mimoza Kadriu.
Sipas saj po ashtu, u theksua rëndësia e bashkëpunimit institucional për të siguruar përkujdesje më të mirë shëndetësore dhe sociale për këtë kategori të rëndësishme të shoqërisë./Gjilani INFO/
