Musa Ramadani
Mik
Shtëpitë tona si gota cakrrohen
Shtëpitë tona si gota cakrrohen
Gjerdhe as dyer përmes s’kmi bërë
Dielli
Udhën deri te ne kur e gjen
Gëzim kuj më tepër i bjen
Ty apo mua ?
Mik
Livadhet tona si dashnorë puthen
Gurë a mexhde askund s’ kemi vënë
Shiu
Sixhim teposhtë kur ligron
N’cilin më shumë fryt lëshon:
N’tëndin apo timin?
Atëbotë
Kujtohu mirë lum miku im
Përse prore më bën të druaj?
Se për dallim o dredhim
Koha kaherë ka kaluar
