Sot në të gjitha shkollat e Kosovës ka nisur viti i ri shkollor, pas grevës njëmujore të mësimdhënësve.
Por edhe pse mësimi ka nisur, mësimdhënësve nuk u kanë dalë pagat e muajit shtator.
Lajmin për “FrontOnline” e ka bërë me dije kryetari i SBAShK-ut, Rrahman Jasharaj.
Ai ka thënë se nëse deri me 5 tetor nuk do të ekzekutohen pagat situata do të përkeqësohet.
“Nga informacionet që i kemi jozyrtare flitet se nuk iu kanë dalë pagat. Ne jemi në pritje sepse afati ligjor është deri më 5 tetor, shërbyesve civilë iu kanë dalë pagat, ndërsa në sistemin arsimor, ne gëzohemi që ata kanë paga, por qeveria ish dashtë të veprojë njëjtë t’i ekzekuton pagat e jo të bëjnë ndasi pasi ndalja e pagës është joligjore. Nëse bëhet ky akt i ndëshkimit një situatë do të kemi më të keqe në sistemin arsimor”, ka thënë Jasharaj.
