Këshilli i Bashkësisë Islame në Gjilan tashmë ka në dispozicion një objekt të ri, i cili u përurua zyrtarisht në një ceremoni ku morën pjesë përfaqësues të institucioneve lokale dhe të Bashkësisë Islame.
Në ceremoninë e hapjes ishin të pranishëm kryetari i Komunës së Gjilanit, Alban Hyseni, kryetari i Bashkësisë Islame të Kosovës, Naim Tërnava, dhe kryetari i Këshillit të Bashkësisë Islame në Gjilan, Naim Aliu.
Investimi është realizuar me financim nga Shteti i Katarit, ndërsa objekti pritet të shërbejë si një hapësirë për besimtarët dhe qytetarët, duke mundësuar zhvillimin e aktiviteteve fetare, arsimore, kulturore dhe sociale.
Me rastin e përurimit, kryetari Alban Hyseni e vlerësoi projektin si një investim të rëndësishëm për qytetin, ndërsa shprehu falënderim për Bashkësinë Islame të Kosovës, Këshillin e Bashkësisë Islame në Gjilan dhe Shtetin e Katarit për realizimin dhe mbështetjen e këtij projekti.
Objekti i ri synon të jetë një pikë e rëndësishme për komunitetin, duke krijuar kushte më të mira për organizimin dhe zhvillimin e aktiviteteve të ndryshme në qytetin e Gjilanit./Gjilani INFO/
