Faruk Tasholli
(Satirë nga Lufta e Tretë Botërore)
Shlivovicën shterrur dehur nën tymian
Një batalion popash dridhet në Zveçan:
A janë mbushur kishat dëng me armatim
Zemra e Serbisë tash kërkon shpëtim?!
Nisin bekojnë predhat armët tytë më tytë
Këso lufte t’fortë jo nuk kanë parë sytë,
As në Borodine as në Waterlo
Se Gazimestani nuk na ndalë më jo!
Fryn në maja malesh erë e shlivovicës
Zbritni trima poshtë bregut të Sitnicës,
T’i biejmë Kosovës sa dy herë tërmeti
Zemrën e Serbisë ta kërkojmë ku mbeti?!
Posa krisën pushkët gishtat dolën n’thembra
Gjuani Ibrit armët nuk është këtu Zemra,
Vishni veladonat, thërret Sveti Sava
Me lulet e paqes dilni kah Morava.
Shkruani historinë si na shkon për dore
Betejën e Banjskës ta kthejmë në fitore,
Ani që shqiptarët na i vranë azganat
Këtu e n’Kremlin flakë qesin kambanat!
Këndonjnë popat n’kisha „Zajko kokorajko“ *)
Dridhet Beogradi: „Joj lele majko!“ **)
Ku mbet presidenti s’i duket as hija
Del kur t’ia ziejë rrenën rrastë Akademia!
_____________
*) Këngë argëtuese sllave
**) Serbisht: Ou kuku nanë