Me rastin e vlerësimit dhe shpalljes së Teatrit të Gjilanit si Institucioni më i dalluar i kulturës nga Komuna e Gjilanit, përkatësisht kryetari i komunës së Gjilanit, z.Alban Hyseni
Me emocion dhe krenari shpreh mirënjohjen time më të sinqertë dhe respektin ndaj secilit prej jush, për kontributin e pamohueshëm që keni dhënë në rrugën drejt shpalljes së Teatrit të Gjilanit si Institucioni më i dalluar i kulturës për vitin 2023.
Sot, kur kemi nderin të shohim një institucion kulturor të na përfaqësojë me plot shkëlqim dhe punë, ndjejmë një kuptim edhe më të thellë për rëndësinë e kulturës dhe artit në shoqëri. Teatri i Gjilanit nuk është thjesht një institucion; ai është një pasqyrë e identitetit tonë, një burim frymëzimi dhe një vend ku krijuesit dhe publiku bashkohen në një përjetim unik dhe emocionues.
Falenderoj çdo anëtar të stafit të Teatrit të Gjilanit, Këshillin Drejtues, aktorët dhe regjisorët që punuan këtë vit, punonjësit tekniko-artistik dhe zyrtarët administrativë, Drejtorinë e Kulturës, Komunën e Gjilanit e të gjithë ata që ndihmojnë në organizimin e ngjarjeve, secili prej jush ka bërë një ndikim të jashtëzakonshëm në ecjen para dhe pas skenës.
Dua të shpreh mirënjohjen time për të gjitha shfaqjet që Teatri i Gjilanit sivjet ka sjellë në skenë e posaqërisht aktorët, me performancat e tyre të mrekullueshme, të cilët i kanë dhuruar publikut emocione dhe refleksione të pasura, përfshirë gjithë regjisorët dhe ekipin kreativ që kanë drejtuar shfaqjet tona në një mënyrë që ka lënë një ndikim thelbësor në kulturën tonë.
Po ashtu, falënderoj publikun e jashtëzakonshëm, besnik e të përkushtuar të Teatrit të Gjilanit. Ju, që keni ndarë momente të mahnitshme dhe keni mbështetur teatrin tonë me entuziazëm, jeni thelbi i çdo performanse. Pa ju, suksesi i Teatrit nuk do të ishte i mundur.
Zgjedhja e Teatrit të Gjilanit si Institucioni më i dalluar i kulturës për vitin 2023 nuk është vetëm një nder për institucionin tonë, por një sukses dhe krenari për të gjithë ne si komunitet. Kjo është një shenjë se investimi ynë i përbashkët në kulturë dhe art po bën një ndryshim thelbësor në mjedisin tonë.
Në fund, dua të shprehë mirënjohjen time të thellë për çdo kontribut, pasion dhe përkushtim që keni sjellë në Teatrin e Gjilanit duke ndihmuar në krijimin e një atmosfere të mrekullueshme, ku arti dhe kultura janë në qendër të vëmendjes.
Ju faleminderit që keni bërë Teatrin e Gjilanit një ngjarje të jashtëzakonshme kulturore.
Urime festat e fundvitit!
Sepse teatri ka shumë dashuri
*𝑇𝘦𝑎𝘵𝑟𝘪𝑛 𝑒 𝐺𝘫𝑖𝘭𝑎𝘯𝑖𝘵 𝘨𝑗𝘢𝑡𝘦̈ 𝘷𝑖𝘵𝑖𝘵 2023, 𝘦 𝘬𝑎𝘯𝑒̈ 𝑣𝘪𝑧𝘪𝑡𝘶𝑎𝘳 13.275 𝑣𝘪𝑧𝘪𝑡𝘰𝑟𝘦̈, 𝑗𝘢𝑛𝘦̈ 𝘴ℎ𝘧𝑎𝘲𝑢𝘳 𝘮𝑏𝘪 120 𝘴ℎ𝘧𝑎𝘲𝑗𝘦 / 𝘳𝑒𝘱𝑟𝘪𝑧𝘢, 𝑗𝘢𝑛𝘦̈ 𝘳𝑒𝘢𝑙𝘪𝑧𝘶𝑎𝘳 5 𝘱𝑟𝘦𝑚𝘪𝑒𝘳𝑎 𝑝𝘦̈𝑟𝘧𝑠𝘩𝑖𝘳𝑒̈ 𝑑𝘺 𝘬𝑟𝘺𝑒𝘷𝑒𝘱𝑟𝘢 𝘣𝑜𝘵𝑒̈𝘳𝑜𝘳𝑒 (𝘍𝑎𝘶𝑠𝘵𝑖 𝑑𝘩𝑒 𝑇𝘢𝑟𝘵𝑢𝘧𝑖), 𝑗𝘢𝑛𝘦̈ 𝘴𝑗𝘦𝑙𝘭𝑢𝘳 6 𝘤̧𝑚𝘪𝑚𝘦 𝘯𝑔𝘢 𝘧𝑒𝘴𝑡𝘪𝑣𝘢𝑙𝘦𝑡 𝑒 𝑡𝘦𝑎𝘵𝑟𝘪𝑡 𝑛𝘦̈ 𝘷𝑒𝘯𝑑, 𝘮𝑒 𝑃𝘦𝑡𝘳𝑢𝘴ℎ𝘪𝑛 𝑒 𝐻𝘶𝑎𝘫 𝘵𝑒̈ 𝑇𝘦𝑎𝘵𝑟𝘪𝑡 𝑀𝘢𝑔𝘫𝑖𝘬 𝘵𝑒̈ 𝐹𝘦̈𝑚𝘪𝑗𝘦̈𝑣𝘦 𝘬𝑒𝘮𝑖 𝑠𝘫𝑒𝘭𝑙𝘦̈ 𝘯𝑗𝘦̈ 𝘳𝑒𝘬𝑜𝘳𝑑 𝑛𝘶𝑚𝘦̈𝑟 𝑡𝘦̈ 𝘧𝑒̈𝘮𝑖𝘫𝑒̈𝘷𝑒 𝑛𝘥𝑒̈𝘳𝑠𝘢 𝘮𝑒 𝑠𝘩𝑓𝘢𝑞𝘫𝑒𝘯 “𝐸 𝑣𝘦̈𝑟𝘵𝑒𝘵𝑎” 𝘬𝑒𝘮𝑖 𝑟𝘦𝑎𝘭𝑖𝘻𝑢𝘢𝑟 𝑎𝘧𝑟𝘰 40 𝑟𝘦𝑝𝘳𝑖𝘻𝑎
Me respekt dhe dashni,
Erson Zymberi
Drejtor i Teatrit të Gjilanit
