Arben Kurteshi
Historia jonë shfaq në pah fuqinë e arritjes së lirisë, por tani sfida është të gjejmë mu atë frymëzim dhe vendosmëri për të arritur zhvillimin ekonomik.
Të fokusohemi në krijimin e një vizioni të qartë dhe një ideal të lartë për të zhvilluar vendin tonë.
Përvoja jonë tregon se gjithçka është e arritshme kur ideali dhe vizioni lidhen me qëllimin. Sfida kryesore qëndron te mungesa e një vizioni dhe ideali për zhvillim ekonomik.
Shembujt e vendeve të tjera tregojnë se zhvillimi ekonomik është i mundur në periudha të shkurtra kohore duke përqëndruar përpjekjet në krijimin e kushteve për investime. Në vendin tonë, barrierat ligjore, korrupsioni dhe mungesa e vizionit kanë bërë pengesë për investime të suksesshme.
Për të tejkaluar këto sfida, nevojitet një mjedis i favorshëm për investitorët, duke përmirësuar infrastrukturën, ligjin dhe sigurinë juridike. Duke krijuar kushte të nevojshme, kapitali investues do të vijë dhe do të shndërrohet në zhvillim ekonomik.
Duke përdorur potencialin e diasporës në mënyrë efikase, mund të rritet investimi dhe të përmirësohet situata ekonomike. Kjo do të ndihmojë në rritjen e prodhimit vendas dhe zvogëlimin e deficitit tregtar.
Për të arritur një zhvillim ekonomik të qëndrueshëm, duhet të përdorim vizionin dhe idealin që na dha liria. Ky proces kërkon angazhim të vazhdueshëm dhe vullnet për të ndryshuar, por vetëm kështu mund të ndërtojmë një të ardhme më të ndritshme për vendin tonë./GJILANI INFO/