Author: admin

Sot parashikohet të mbajë mot me vranësira dhe intervale me diell. Gjatë orëve të para të 24-orëshit mund të ketë rrebeshe lokale shiu në zona të caktuara, të shoqëruara me disa shkarkesa rrufesh. Era do të fryjë drejtimesh të ndryshme, me shpejtësi prej 10-36 km/h. Temperaturat minimale do të lëvizin prej 13 deri në 16°C, ndërsa ato maksimale prej 24 deri në 29°C.

Në 24 orët e fundit janë regjistruar 47 aksidente trafiku prej tyre 26 me të lënduar dhe 21 me dëme materiale si dhe janë shqiptuar 2005 tiketa trafiku. Gjatë kësaj periudhe kohore Policia ka arrestuar 3 persona dhe 3 të tjerë i ka derguar në mbajtje policore./GJILANI INFO/

Është arrestuar personi i dyshuar në Gjilan, pasi që i njëjti ka ofenduar dhe kanosur nënën e tij, bëhet e ditur sot nga Policia. Për të dyshuarin thuhet se është përdorues i lëndëve narkotike dhe se i njejti me vendim të prokurorit është dërguar në mbajtje, në Spitalin Psikiatrik, nën përkujdesje të policisë./GJILANI INFO/

Sot parashikohet të mbajë mot me diell dhe vranësira, ku gjatë pasditës, veçanërisht në mbrëmje, pritet të ketë rrebeshe lokale shiu, të shoqëruara me shkarkesa rrufesh, njofton MeteoKosova, transmeton Gjilani INFO. Era do të fryjë drejtimesh të ndryshme, e cila herë pas here lokalisht pritet të jetë majft e fuqishme, sidomos në regjionin e Gjakovës, me shpejtësi prej 20-52 km/h. Temperaturat minimale do të lëvizin prej 15 deri në 17°C, ndërsa ato maksimale prej 28 deri në 31°C.

Strukturat e Bashkimit për Ndryshim Anamorava (BNA), e kanë nisur zyrtarisht fushatën të mobilizuara fuqishëm. Ky subjekt politik ka prezantuar kandidatin për kryetar të Komunës së Gjilanit që është Isa Agushi dhe kandidatët për Kuvendin Komunal të Gjilanit. Përndryshe, Isa Agushi që synon postin e të parit të komunës kishte theksuar se BNA-ja është subjekt serioz që ka kandidatin për kryetar më të besueshëm për qytetarët si dhe listën e kandidatëve që do të garojnë për anëtarë të kuvendit, një listë vërtetë përfaqësuese e qytetarit. Sipas Agushit qytetarët janë për ndryshim andaj do ta mbështesin BNA-në

“Pasditen e kaluam me të rinjtë dhe gratë e Gjilanit, ku biseduam për përfshirje më aktive në vendimmarrje dhe për shtimin e aktiviteteve në qytet”, ka thënë Alban Hyseni, kandidati i Lëvizjes Vetëvendosje për kryetar të Komunës së Gjilanit. “U ndalëm edhe në Muzeun e Qytetit, ku pamë nga afër historinë dhe kujtesën tonë të përbashkët. Në fund, e mbyllëm ditën me kafe të shijshme. #BASHKËpërGjilanin”, ka thënë Alban Hyseni i Vetëvendosjes, që synon edhe një mandat në krye të Gjilanit.

“Kandidimi im për kryetar merr kuptim nga besimi që pashë në tubimin qendror. Ishte dëshmi e fuqisë së përbashkët dhe e besimit për ndryshim”, ka thënë Nazim Gagica, kandidati i AAK-së për kryetar të Komunës së Gjilanit. Ai tha se shprehë mirënjohje të veçantë për ekipin e tij garues, që me përkushtim e besim po e mbajnë gjallë këtë vizion. “Ky është një rrugëtim që e bëjmë bashkë, për shpresë, për besim dhe për Dritë për Gjilanin. dritëpërgjilanin 174”, ka thënë Nazim Gagica i AAK-së.

Arbër Ismajli kandidati i LDK-së për kryetar të komunës së Gjilanit, duke iu referuar tubimin të subjektit të tij në Prishtine ku është bërë hapja zyrtare e fushatës, ka thënë se nga Prishtina drejt Gjilanit, nisen me vullnet të jashtëzakonshëm dhe vizion të madh për një të ardhme më të mirë për Gjilanin. “Koha për ndryshim është tani dhe bashkë do ta jetësojmë vullnetin qytetarë për Gjilanin e Ri”, ka thënë Arbër Ismajli i LDK-së.

Kandidati i PDK-së për kryetar të Komunës së Gjilanit, Riad Rashiti, ka thënë se si në çdo lagje të qytetit e çdo fshat të komunës edhe Llashtica sonte është e mobilizuar për fitoren e 12 tetorit. “Bashkëbisedim kualitativ e premtues sepse tashmë të gjithë duan #MaMirë”, ka thënë Riad Rashiti i PDK-së.

Alban Hyseni, kandidati i Lëvizjes Vetëvendosje për kryetar të komunës së Gjilanit, ka thënë se takimet me të rinjtë gjithmonë japin një perspektivë të re për trajtimin e çështjeve, andaj i tillë ishte edhe takimi i sotshëm që patën bashkë. “Bashkë me zëvendësministren Liza Gashi, një pjesë të kandidatëve tanë për Asamble e edhe me përfaqësues të OJQ-ve, diskutuam me të rinjtë tanë për angazhimin e tyre në jetën shoqërore. Gjilani përmbushet me energjinë dhe kreativitetin e të rinjve tanë. BASHKË!”, ka thënë Alban Hyseni i Vetëvendosjes, që synon edhe një mandat në krye të Gjilanit. Në Lëvizjen Vetëvendosje…