Policia e Kosovës ka arrestuar një person të dyshuar, pasi i njëjti ka tentuar që pa dëshirën e saj ta martojë viktimën femër kosovare me shtetësi të huaj. është bëre e ditur nga burimet policore.
Rasti ka ndodhur në Gjilan, të hënën në ora 21:00.
Në raportin e Policisë thuhet se viktima është dërguar në strehimore, kurse nga i dyshuari është konfiskuar një revole me tre fishekë të kalibrit 9 mm.
Me vendim të prokurorit i dyshuari pas intervistimit dërgohet në paraburim./GJILANI INFO/