Policia e Kosovës njofton se ka arrestuar një 33-vjeçar në Viti, pasi i njëjti dyshohet për veprën penale “Mbajtja në pronësi, kontroll ose posedim i paautorizuar i armëve”.
“Njësia e Hetimeve të Stacionit Policor në Viti të njëjtin e ka arrestuar dhe shoqëruar në Stacionin Policor. Gjate intervistimit në prani të avokatit mbrojtës janë siguruar prova të mjaftueshme se i njëjti posedon një armë zjarri”.
Tutje, bëhet e ditur se Njësia e Hetimeve në një objekt përcjellës të shtëpisë së tij, ka gjetur dhe konfiskuar armën AK-47, prodhimi YU me një karikator dhe një palë dylbi.
“Arma është konfiskuar në cilësi të provave materiale për Gjykatë”, thuhet tutje në njoftim.
“Në lidhje me rastin është njoftuar Prokurori i Shtetit i cili ka urdhëruar që i dyshuari të lirohet në procedure të rregullt, ndërsa rasti do të procedohet së bashku me provat në Prokurorinë Themelore në Gjilan”./GJILANI INFO/
