Kryetari i Preshevës, Shqiprim Arifi, vizitoi ish-kryeparlamentarin Kadri Veseli i cili ndodhet i paraburgosur në Dhomat e Specializuara të Kosovës në Hagë.
“Sapo vizituam vëllezërit tanë këtu që padrejtësisht këtu në Hagë dhe për të theksuar respektin që kemi ne në Luginë të Preshevës për udhëheqësit e UÇK-së”, tha Arifi, pasi doli nga vizita.
“Konsiderojmë se ata do të lirohen shpejt e të pafajshëm dhe do të kthehen në vendlindjen e tyre”, tha Arifi.
Arifi tha se një fjali i ka mbetur në mendje.
“Ish -kryeparlamentari më tha se dertin e Preshevës e kam sikurse dertin e Mitrovicës”, deklaroi Shqiprim Arifi, duke cituar fjalët e Kadri Veselit.
Ditë më parë ata i vizitoi edhe Glauk Konjufca, kryetar i Kuvendit të Kosovës e para tij edhe kryeministri i Shqipërisë, Edi Rama.
