Këshilli i Bashkësisë Islame në Gjilan dhe Shoqata e Arkitektëve të Gjilanit, kanë nënshkruar sot një marrëveshje bashkëpunimi.
“Tash e tutje, ka një adresë për gjitha projektet infrastrukuturore për të ardhmen”, tha Naim Aliu, kryetar i Këshillit të Bashkësisë Islame në Gjilan.
Ai shfaqi shpresën për një bashkëpunim të mirëfillët dhe sinqertë, duke theksuar se pret që punët të ecin mire dhe mbarë.
Kryetari Aliu ka njoftuar gjithë gjematin, imamët dhe punëtorët e Bashkësisë Islame të komunës së Gjilanit, se gjitha projektet që kanë në lagjet e vendbamimet e tyre, prej sot e tutje, kanë adresën e tyre, duke theksuar se gjitha punët do të bëhen në mënyrë profesionale.
Nga ana tjetë, kryetari I Shoqatës së Arkitektëve të Gjilanit, zotëri Xhafer Xhelili tha se kjo marrëveshje është në përputhje me vizionin dhe qëllimet e kësaj shoqate.
Ai tha se qllimi i tyre është për të iu shërbyer komuniteteve.
Ndërkaq falenderoi kryetarin e Bashkësisë Islame në Gjilan për besimin e shprehur ndaj shoqatës që ai udhëheq.
“ Ne do të mundohemi për të realizuar të gjitha projektet në mënyrë profesionale, për të mos pas në të ardhmen problem”, tha ai duke theksuar se bashkëpunimi do të jetë i mire. /GJILANI INFO/
