Prokuroria Themelore në Gjilan ka njoftuar për aktivitetet e fundit, duke bërë të ditur se janë ndaluar dy persona dhe janë ngritur tetë aktakuza ndaj tetë të dyshuarve për vepra të ndryshme penale.
Sipas prokurorisë, me urdhër të prokurorit është ndaluar një person nën dyshimin për kryerjen e veprës penale “Lëndimi i lehtë trupor”, ndërsa një person tjetër është ndaluar për veprën penale “Lëndimi i rëndë trupor”.
Ndërkohë, Prokuroria Themelore në Gjilan ka ngritur gjithsej tetë aktakuza kundër tetë personave për vepra të ndryshme penale.
Aktakuzat përfshijnë:
Dy aktakuza ndaj dy personave për veprën penale “Lëndim i lehtë trupor”;
Dy aktakuza ndaj dy personave për veprën penale “Dhuna në familje”;
Një aktakuzë ndaj një personi për veprën penale “Mbajtja në pronësi, kontroll ose posedim të paautorizuar të armëve”;
Një aktakuzë ndaj një personi për veprën penale “Rrezikimi i trafikut publik”;
Një aktakuzë ndaj një personi për veprën penale “Vjedhja”;
Një aktakuzë ndaj një personi për veprat penale “Ndërtimi pa leje” dhe “Heqja apo dëmtimi i vulave zyrtare ose i shenjave”.
Prokuroria nuk ka bërë publike identitetet e personave të përfshirë, ndërsa procedurat ligjore ndaj tyre do të vazhdojnë në përputhje me legjislacionin në fuqi./Gjilani INFO/
