Drejtoria Rajonale e Policisë në Gjilan ka bërë të ditur se gjatë periudhës 15.05.2026 – 21.05.2026, në kuadër të planeve operative për siguri në trafik, Njësia Rajonale e Trafikut Rrugor dhe stacionet policore kanë shqiptuar gjithsej 1 mijë e 795 gjoba trafiku.
Gjatë kësaj periudhe janë realizuar edhe këto aktivitete: Janë hetuar 19 aksidente trafiku me dëme materiale;
Janë hetuar 10 aksidente trafiku me të lënduar; Janë shqiptuar 13 gjoba për mosvendosje të rripit të sigurisë;
Janë shqiptuar 9 gjoba për përdorim të telefonit gjatë ngasjes; Janë shqiptuar 31 gjoba për modifikim të automjeteve me folje të errëta si dhe janë shqiptuar masa ndalimi të drejtimit të mjeteve motorike për 58 ngasës
Policia Rajonale në Gjilan apelon tek të gjithë pjesëmarrësit në trafik që të respektojnë rregullat e komunikacionit dhe të tregojnë kujdes të shtuar, veçanërisht këmbësorët gjatë kalimit të rrugës.
Sipas policisë, përdorimi i telefonit mobil, dëgjueseve në vesh, mosrespektimi i semaforëve dhe kalimi jashtë vendkalimeve të shënuara për këmbësorë mbeten shkelje të dënueshme sipas legjislacionit në fuqi./Gjilani INFO/
