Ardita Sinani
Regjistrimi i padisë në Gjykata Evropiane për të Drejtat e Njeriut lidhur me pasivizimin e adresave po vlerësohet si një hap i rëndësishëm drejt kërkimit të drejtësisë dhe mbrojtjes së të drejtave themelore të qytetarëve.
Kjo iniciativë synon trajtimin e një praktike që, sipas palëve të përfshira, ka prekur një numër të madh familjesh dhe ka ngritur shqetësime serioze për respektimin e të drejtave civile dhe ligjore.
Mirënjohje e veçantë është shprehur për Teuta Fazliu, e cila me guxim qytetar dhe gatishmëri ka marrë përsipër përfaqësimin e kësaj çështjeje, duke e ngritur atë në nivel ndërkombëtar.
Po ashtu, është vlerësuar kontributi profesional i avokatit Drini Grazhdani, për angazhimin dhe përkushtimin në ndërtimin juridik të rastit, i cili konsiderohet kompleks për nga aspektet ligjore dhe procedurale.
Sipas iniciatorëve, kjo nuk paraqet vetëm një rast individual, por një përpjekje më të gjerë për t’i dhënë fund një praktike që pretendohet se cenon të drejtat themelore të qytetarëve dhe kërkon trajtim institucional në nivel evropian./Gjilani INFO/
