Gjatë një jave, përkatësisht në periudhën kohore 13.02.2026 – 19.02.2026, në vazhdën e implementimit të planeve operative për siguri në trafik janë shqiptuar njëmijë e katërqind e tridhjetë e nëntë (1439) gjoba në Rajonin e Gjilanit nga Njësia rajonale e Trafikut Rrugor dhe Stacionet Policore.
Kështu, njoftoi sot, Drejtoria Rajonale e Policisë Gjilan, e që sipas së cilën gjatë kësaj periudhe në kuadër të këtyre planeve janë ndërmarr edhe aktivitete, në:
-Hetim i shtatëmbëdhjetë (17) aksidenteve të trafikut me dëme materiale,
-Hetim i shtatëmbëdhjetë (17) aksidenteve të trafikut me të lënduar,
-Shqiptuar njëzet e katër (24) gjoba për mos përdorim të rripit të sigurisë,
-Shqiptuar tridhjetë e tetë (38) gjoba për përdorim të telefonit,
-Shqiptuar njëzet e tri (23) gjoba për modifikim të automjetit (folije të errëta),
-Shqiptuar masa e ndalim drejtimit të mjeteve motorike për pesëdhjetë (50) ngasës.
Ndërkaq, kjo Drejtori ka apeluar tek të gjithë ngasësit që gjatë drejtimit të mjetit të
posedojnë me vete Raportin Evropian të Aksidenteve, ashtu siç parashihet me nenin 204 të Ligjit për
Rregullat në Trafikun Rrugor, duke theksuar se në rast mos posedimi të këtij dokumenti dënohet me gjobë prej 50 euro.
“Në rast të aksidenteve me dëme të vogla materiale, kur palët pajtohen për rrethanat e ngjarjes, ata janë të obliguar ta plotësojnë dhe nënshkruajnë Raportin Evropian të Aksidenteve, sipas nenit 211 të Ligjit për Rregullat në Trafikun Rrugor”, thuhet nga Drejtoria në fjalë.
Ndërsa sillet në kujtesë se ky raport nuk plotësohet në rastet kur ka persona të lënduar ose viktima në këto raste obligative është njoftimi i Policisë./GJjilani INFO/
