Tensioni i lartë i gjakut është drejtpërdrejt i lidhur me atakun në zemër dhe isheminë. Shkaktarët e tensionit të lartë janë të ndryshëm e për pasojë trajtimi i tij bëhet i vështirë.
Mënyrat e mbajtjes nën kontroll të tij nga ana tjetër janë të larmishme.
Këtu përfshihet aktiviteti i rregullt fizik dhe regjimi i shëndetshëm ushqimor.
Megjithatë, një nga mënyrat më të lehta për të mbajtur nën kontroll tensionin e gjakut është frymëmarrja.
Frymëmarrja e shpejtë aktivizon sistem nervor, i cili është direkt i përfshirë në çlirimin e hormoneve të stresit.
Frymëmarrja e thellë dhe e kontrolluar aktivizon sisteimin parasimpatetik që ul nivelin e stresit, rrahjet e zemrës, tensionin e gjakut, përmirëson tretjen dhe ofron qetësi për mendjen.
Teknikat për përmirësimin e frymëmarrjes janë të larmishme.
Një prej tyre, ka të bëjë me frymëmarrjen nëpërmjet hundës, mbajtjen e frymës dhe nxjerrjen e saj nëpërmjet gojës.
Përpara aplikimit të kësaj metode, çdo njeri duhet të bëjë një test të thjeshtë për të matur nivelet e dioksidit të karbonit të nxjerra nëpërmjet frymëmarrjes.
Qëndroni ulur dhe merrni frymë në mënyrë të qëndrueshme.
Pasi të merrni frymë, shtrëngoni flegrat e hundës me gishtin e madh dhe atë tregues.
Mbajeni frymën duke numëruar sekondat. Në momentin që vëreni vështirësi, merrni frymë normalisht dhe mbani shënim kohën.
