Fshati Roganë për 24 ditë radhazi u rrethua nga tifozë e adhurues të futbollit të cilët shtoheshin çdo ditë e më shumë nga të gjitha komunat.
Mes gëzimit e zhgënjimit, ekipet konkuruese e kthyen çdo ndeshje në një spektakël të veçantë ku nuk munguan atmosfera, energjia dhe golat e bukur.
Ky eveniment sportiv që dha aq shumë emocione jo vetëm që promovoi talentin lokal, por ishte edhe nikoqire e pjesëmarrjes së ekipeve të ndryshme nga vende të tjera duke e bërë këtë turnir edhe më madhështor për nga cilësia, organizimi e rezultati final.
Me ekipe të jashtëzakonshme, lojtarë super të talentuar e me tifozë të cilët kënduan, duatrokitën e brohoritën pa u ndalur, përfundoi futbolli tradicional ‘’Rogana 2024’’ me ekipin fitues nga Lipjani.
Duke falenderuar secilin ekip e lojtar që ka dëshmuar talentin dhe dashurinë që ka për këtë sport, Kryetari Rahimaj ka shpërblyer më të mirët me trofe e medalje./GJILANI INFO/
