Bejtush Isufi
Se serbët e Kosovës janë pengje të interesit “shtetëror” të Serbisë prova më bindëse është qëndrimi i Serbisë ndaj antarësimit të Kosovës në Këshillin e Europës.
Cila përllogaritje mund të jetë më e thjeshtë se kjo: A përfitojnë serbët si qytetarë dhe si komunitet (së bashku edhe me të gjithë të tjerët në Kosvë) nëse Kosova mbetet jashtë KE apo nëse ajo antarësohet?
Meqenëse këtu me të vërtetë nuk ka asnjë dilemë, sepse përkundrazi, me siguri kemi të bëjmë me një ndryshim epokal. Ky ndryshim pikërisht ka të bëj me përfitimin e të gjithë qytetarëve të Kosovës nga mundësia e qasjes në Gjykatën Europiane të të Drejtave të Njeriut me seli në Strasburg.
Pas antarësimit, kësaj Gjykate do të mund ti dërgohen të gjitha dilemat lidhur me respektimin apo shkeljen e të drejtave qytetare dhe ato ndaj komuniteteve dhe të merret nga atje një përgjigje e qartë dhe e pa kontestueshme, prandaj pyetja e vërtetë do të ishte kush para serbëve të Kosovës dhe Serbisë do të duhej ti gëzohej më shumë kësaj mundësie?
Por jo, sepse kjo mundësi, ky kofirmim i të vërtetës së të drejtave të serbëve në Kosovë, kjo mbrojtje e këtyre të drejtave dhe kjo zhdaravitje e spekulimeve dhe propagandës së Serbisë, tash më qartë se kurrë, krejt lakuriq duket se jo vetëm që Serbia është kundër anatrësimit të Kosovës në KE, por ajo është e gatshme që ta luftoj këtë mundësi me të gjitha “armët”, sepse do të ketë më pak “ujëra të turbullta” më pak mundësi për të prodhuar mjegullë dhe obstruksione, më pak hapsirë që në emër të të drejtave dhe preokupimit për serbët e Kosovës të fsheh ambicjen e kthimit të pushtimit të Kosovës, pra më pak shanse për atë rastin e “artë “ që është jo duke e pritur, por duke e përgaditur Vuqiqi, njëjtë si babai I tij shpirtëror Slobodan Miloseviqi./GJILANI INFO/
