Qendra Kryesore e Mjekësisë Familjare (QKMF) në Viti , ka filluar sot me vizitat sistematike të nxënësve të shkollave të komunës së Vitisë. Fillimin e këtyre vizitave mjekësore tek nxënësit vitias i ka përshëndetur kryetari i Komunës Sokol Haliti, i cili përgëzoi menaxhmentin dhe punëtorët e QKMF-së për këtë aktivitet. Ai tha se si komunë ata janë të përkushtuar në vazhdimësi për parandalimin e sëmundjeve tek qytetarët e në veçanti të nxënësve pasi që ky aktivitet ka një mision të tillë.
Aktiviteti në fjalë është edhe në kuadër të bashkëpunimit të institucioneve komunale të Vitisë, përfshirë këtu drejtorinë komunale të Arsimit dhe QKMF-në.
Me këtë rast dr.Vjollca Kadolli-Halili, drejtoreshë e QKMF-së në Viti, foli rreth organizimit të vizitave sistematike të nxënësve të shkollave fillore në Komunën e Vitisë.
“Sot po fillojmë me vizitat nëpër të gjitha shkollat e komunës tonë. Ekipa e mjekësisë familjare dhe stomatologjisẽ sot kanë filluar me kontrollat sistematike të nxënësve të klasëve të para, të pesta dhe të nënta. Do të vlerësojmë 29 parametra shëndetësorë dhe 13 stomatologjik, shpreh Dr. Kadolli-Halili.
Ajo tha se qëllimi kryesor i këtyre vizitave është të ndikojmë në parandalim të sëmundjeve të ndryshme dhe defekteve fizike me kohë si dhe në të pamurit.
Vizitat sistematike shëndetësore kanë filluar sot në shkollën fillore të mesme të ulët ”28Nëntori” në Sadovinë të Jerlive dhe do të vazhdojmë sipas orarit edhe me shkollat tjera. Përndryshe edhe më parë komuna e Vitisë, ka zhvilluar vizitat të tilla mjekësore në shkollat e saj të cilët kishin ndikuar pozitivisht në parandalimin e përkeqësimit të disa sëmundjeve tek nxënësit vitias./GJILANI INFO/
