Agjencia e Shërbimeve të Navigacionit Ajror në parashikimin e motit për ditët në vijim ka bërë të ditur se në fund të javës së ardhshme priten reshje bore edhe në viset e ulëta.
Në njoftimin për media bëhet e ditur pas shiut që ra të mërkurën që lamë pas në sasi mbi mesatare, vendi ynë ditëve në vijim dhe javën që vjen do të përshkohet me riga lokale shiu që do të jenë të shtuara në intensitet në intervale kohore të shkurtra, ndërkaq sipërfaqet në nivelet mbi 1200m lartësi mund të mbulohen edhe nga shtresa të cekëta bore.
Temperaturat minimale do të sillen nga 03°C deri në 05°C ndërsa temperaturat maksimale nga 10°C deri në 13°C.
Erërat do të jenë kryesisht jug-jugperëndimore, me rritje në intensitet përgjatë ditës nga 03 m/s deri në 20m/s.
Ndërkaq, shtresat e petkut të bardhë sipas modeleve në dispozicion pritet të zënë vend në sipërfaqet e ulëta jo para fundit të javës së ardhshme.
