Presidenti i Shoqatës së Miqësisë Kosovë-Austri Avokati Arsim Vranovci u takua me Deputetin e Parlamentit Federal të Austrisë njëherazi Presidentin e Shoqatës së Miqësisë Austri-Kosovë Andreas Minnich.
Ky takim i mbajtur në një fryme miqësie dhe bashkëpunimi, vuri në pah rëndësinë e shkëmbimeve kulturore dhe mirëkuptimin e ndërsjellë dhe punës së përbashkët ndërmjet Kosovës dhe Austrisë.
Në këtë takim morën pjesë edhe përfaqësues të tjerë të Shoqatës së Miqësisë Kosovë-Austri, si Zëvendëspresidenti i Bordit të Shoqatës z. Gunther Fehlinger dhe anëtari i Bordit z. Bahri Troja.
Duke punuar së bashku, Shoqata e Miqësisë Kosovë-Austri dhe Shoqata e Miqësisë Austri-Kosovë synojnë të ndërtojnë ura që kapërcejnë kufijtë, duke nxitur një të ardhme bashkëpunimi, mirëkuptimi dhe prosperiteti të përbashkët./GJILANI INFO/
