Komandanti i Komandës së Forcave të Përbashkëta Aleate të NATO-s, admirali Stuart B. Munsch, ka folur për sigurinë në Kosovë.
Munsch ka shtuar se këto vitet e fundit, në Kosovë ka pasur dhunë më shumë se çdo herë tjetër në këto mbi dy dekada.
“Përshtatja me mjedisin e ndryshueshëm të sigurisë për të përmbushur misionin e qëndrueshëm të komisionit të NATO-s ndaj KFOR-it është KFOR-i, përveç mbajtjes së mbi 4,000 trupave në Kosovë dhe mbajtjes së dialogut të shpeshtë me palët e interesuara, KFOR-i së fundmi ka pasur koordinim intensiv me Policinë e Kosovës, duke përforcuar funksionin e tyre si reaguesi i parë”, ka thënë Munsch.
Ai ka shtuar se KFOR gjithashtu ka pasur rritje të koordinimit me EULEX-in, duke përforcuar rolin e tyre si reagues i dytë dhe duke u përforcuar me shumë organizata dhe udhëheqës të tjerë në Kosovë dhe rajon, shkruan Telegrafi.
“Së dyti, KFOR-i ka trefishuar numrin e patrullave përgjatë vijës kufitare administrative ndërmjet Serbisë dhe Kosovës. Së treti KFOR-i ka rritur fuqinë e trupave pas sulmit të 29 majit ndaj trupave të KFOR-it. Forca u rrit me aktivizimin e forcës së rezervuar operacionale, një batalion mbi 600 trupa nga Turqia dhe më pas lehtësimi nga batalioni shumëkombësh i udhëhequr nga Greqia”, u shpreh admirali Munsch.
Ai shtoi se KFOR-i ka rritur numrin e trupave të saj edhe pas sulmit të 24 shtatorit që ndodhi në veri të Kosovës.
“KFOR-i ka shtuar më tej forcën e trupave pas sulmit të 24 shtatorit në PK mbi forcën rezervë strategjike të përbërë nga një batalion nga Britania e Madhe dhe Rumania, përveç forcës së trupave që ky batalion po sjell armatim më të rëndë për t’i shtuar fuqinë luftarake KFOR-it”, tha Munsch.
Ai këto komente i bëri në ceremoninë e emërimit të komandantit të 28-të të Misionit të NATO-s në Kosovë, (KFOR).
