“Serbia është i vetmi vend në Evropë dhe ndoshta në botë që nuk i di se ku janë kufijtë e saj, sepse pretendon se i përkasin edhe territoret e dikujt tjetër”, kështu ka thënë për portalin Radiosarajevo avokati Azem Vlasi.
Ai thotë se reagimet e Serbisë për votimin në Këshillin e Evropës për pranimin e Kosovës janë të papërshtatshme dhe tregojnë se “në çfarë pozicionesh antievropiane ka mbetur Serbia”.
Ai thekson se edhe presidenti i Serbisë, Aleksandar Vuçiq, edhe ministri i Jashtëm, Ivica Daçiq, e dinë shumë mirë që Kosova përfundimisht dhe përgjithmonë është e pavarur nga Serbia.
Sipas tij, Kosova nuk ishte asnjëherë pjesë e Serbisë si shtet i pavarur, por pas largimit të Perandorisë Osmane nga këto zona në vitin 1912, Serbia pushtoi me forcë territorin e sotëm të Kosovës dhe Maqedonisë, e pushtoi atë dhe kreu krime të tmerrshme kundër shqiptarëve.
“Serbia nuk e pranon pavarësinë, sepse ende ëndërron që Kosova të jetë ‘krahina e saj jugore’”, tha Vllasi.
