Riad Rashiti kandidat i PDK-së për kryetar të Komunës së Gjilanit
Zotohemi për kujdes të veçantë ndaj trashëgimisë së UÇK-së dhe familjeve të dëshmorëve!
Me përkushtim të plotë ndaj historisë sonë të lavdishme dhe respekt të thellë për sakrificën e dëshmorëve të kombit, kemi paraparë ndarjen e 420 mijë eurove për projektet e OVL-UÇK-së përgjatë katër viteve të ardhshme.
Vetëm për vitin 2026, buxheti i dedikuar do të jetë 180 mijë euro, i cili do të investohet në:
Finalizimin e projektit të Varrezave të Dëshmorëve
Mirëmbajtjen e shtatoreve dhe përmendorëve të dëshmorëve të kombit
Shpronësimin e tokave ku ndodhen përmendoret e dëshmorëve
Krijimin e një zyre të OVL-UÇK-së në kuadër të kabinetit të Kryetarit të Komunës
Kjo platformë është dëshmi e përkushtimit tonë për të ruajtur dhe nderuar trashëgiminë e Ushtrisë Çlirimtare të Kosovës, dhe për të siguruar që kujtimi i atyre që dhanë jetën për liri të jetojë përgjithmonë në zemrat tona!
