Ka arritur në Viti donacioni me automjete të reja, për zjarrfikësit kësaj komune, donacion ky erdhi falë përkushtimit dhe vullnetit të një bashkatdhetari nga Binça.
Vilson Gega, ka bashkëpunuar ngushtë me autoritetet gjermane dhe komunën e Vitisë, për të sjellur këtë donacion shumë të rëndësishëm.
Me këtë rast, kryetari i komunës së Vitisë Sokol Haliti, u shpreh se kjo ndihmë do të lehtësoj punën për zjarrfikësit tanë në misionin e tyre fisnik, në mbrojtjen e jetës dhe pasurisë së qytetarëve.
Ai ka falënderuar Gegën, përfaqësuesit gjermanë dhe të gjithë ata që janë angazhuar që ky donacion të arrijë në Viti.
Në anën tjetër, drejtori i Shërbimeve Publike Basri Aliu, ka bërë me dije se shuma e këtij donacioni është mbi 500 mijë euro, e që një donacion i tillë ka qenë shumë i nevojshëm dhe është shumë i mirëseardhur për zjarrfikësit vitias, sepse lehtëson punën e tyre në raste të ndryshme emergjente.
Drejtori Aliu në emër të donatorit i ka dhuruar kryetarit Haliti një qelës i cili simbolizon suksesin që është arritur sot.
Edhe komandanti i Njësitit të Zjarrfikësve Hetem Jakupi, ka falënderuar Gegën për kontributin e tij të rëndësishëm, me 4 automjete.
Ai ka thënë se me këto automjete zjarrëfikëse lehtësohet jashtëzakonisht shumë çështja e intervenimit të zjarrfikësve e sidomos për kranin, me të cilin tani e tutje kjo njësi do të mundë të intervenoj edhe në objektet banesore, në lartësinë deri 30 metrash./GJILANI INFO/
