Këtë të hënë më 17.02.2025, në nderim të 17- vjetorit të Pavarësisë së Kosovës është zhvilluar një turne futbolli i Veteranëve të Futbollit, në të cilin kanë marrë pjesë ekipe nga trevat shqiptare, si Drenica nga Skenderaj, Kumanova, Drita dhe Gjilani.
Në fillim të turneut, Alban Hyseni, kryetar i Gjilanit pasi ka përshëndetur veteranët e klubeve pjesëmarrëse dhe veteranët e tjerë të pranishëm, ka thënë se këta futbollistë të njohur të dikurshëm po takohen në një ditë shumë të rëndësishme siç është 17 – vjetori i Pavarësisë së Kosovës, duke nderuar sakrificën e të gjitha atyre që kanë kontribuar ndër vite për këtë ditë të shënuar. Hyseni ka uruar për një garë të suksesshme, për mbarësi dhe shumë suksese për futbollistët e dikurshëm që dhanë shumë për futbollin.
Ndonëse rezultati ishte në plan të dytë, në ndeshjet e zhvilluara veteranët e Drenicës ishin më të mirë se ata të Gjilanit, derisa veteranët e Kumanovës ngadhënjyen ndaj veteranëve të Dritës.
Në ndeshjen finale, Drenica dhe Kumanova luajtën baras 1:1, kurse pas ekzekutimit të penaltive, Drenica ishte më e mirë dhe është fituese e këtij turneu.
Organizatori i këtij turneu, ish- futbollisti i njohur Arben Zeqiri, ka thënë se nismat e tilla duhet të jenë tradicionale dhe të shënohen përvjetorë e data historike të vendit tonë dhe se ky aktivitet është mundësuar falë përkrahjes së paarsyeshme të Kushtrim Zeqirit, drejtor për Kulturë, Rini dhe Sport në Gjilan.
Në mbrëmje do të organizohet një mbrëmje e përbashkët e të gjitha ekipeve pjesëmarrëse dhe të veteranëve të tjerë të futbollit e ku do të diskutohet gjatë për përjetimet e dikurshme në fushat e blerta./GJILANI INFO/
