Po vazhdon të zhvillohet normalisht veprimtaria ilegale e kazinove në fshatin Karaçevë të Kamenicës. Dy të reja që u hapen para një muaji tashmë kanë vendosur edhe logot. Institucionet vazhdojnë të heshtin, ekspertet e sigurisë thonë se Ministria e Punëve të Brendshme duhet të marrë përgjegjësi.
Jo më shumë se një muaj energjia elektrike në këto kontejnerë që shërbejnë si kazino në Karaçevë është ndalur nga KEDS.
E ky fshat që gjendet në zonën kufitare me Serbinë është mjaft i njohur tashmë shkaku i veprimtarive ilegale.
Kazinotë në këtë vend po vazhdojnë të rrisin veprimtarinë pa u shqetësuar nga askush.
Për vendin që është shndërruar në një qendër të kazinove, shqetësimin e kanë ngritur edhe vet banorët e Karaçevës, por të cilët bashkë me zyrtarët komunal që ankesën e banorëve e adresuan në MPB, përgjigje nuk morën asnjëherë.
Dikasteri që drejtohet nga ministri Xhelal Sveçla nuk ka kthyer përgjigje deri në publikimin e këtij hulumtimi.
Përgjigjja e vetme e kësaj ministrie ishte në shtator të vitit të kaluar e ku këto veprimtari u rikthyen në vëmendje.
Atë kohë kjo ministri kishte thënë se nuk munden të ndërhyjnë në pjesën e kazinove më arsyen se gjenden në zonën neutrale.
“KFOR-i është institucion ndërkombëtar dhe ministria e Punëve të Brendshme përmes KFOR-it duhet të intervenoj dhe kjo çështje nuk është aq e komplikuar ashtu siç e bëjnë. Po ta lejonte e gjithë bota do të kishte problem më këtë dukuri”, ka thënë ai.
Intervenimi i vetëm i Policisë së Kosovës në këtë pjesë për rrëzimin e këtyre veprimtarive ishte në shtatorë të vitit 2020 kur ministër ishte Agim Veliu./RTV Dukagjini/
