Vajzat dhe gratë shqiptare gjatë vitit 2024 ishin model suksesi në Zvicër. Albinfo.ch ka sjell vetëm disa nga shumë profile që janë storie suksesi, e që kanë të bëjnë me profesione të ndryshme.
Anda Skeja para pak muajsh ka doktoruar në Universitetin zviceran “École Polytechnique Fédérale de Lausanne”, në programin për Matematikë.
Anda është studentja e parë dhe deri më tani e vetmja që është pranuar në programin e doktoratës, pa i ndjekur studimet Master, rezultat ky nga performanca e saj si kuadër i lartë në këtë fushë.
Ajo gjithashtu është edhe një bursiste e Konfederatës Zvicerane, hulumtuese shkencore dhe mësimdhënëse, shkruan tutje albinfo.ch
Jeta Gashi së fundmi është punësuar në Spitalin Universitar të Cyrihut (në Universitätsspital Zürich) në Institutin e Kimisë Klinike.
Vlen të theksohet se Jeta është lindur dhe rritur në Kamenicë dhe tani do të vazhdojë punën në universitetin më prestigjioz në botë.
Storja e saj e suksesit është model për të gjithë shqiptarët që jetojnë në Kosovë, veçmas për ata që aspirojnë të ndjekin ëndrrat e tyre jashtë shtetit.
Vildane Rexhepi ka mbaruar studimet për ekonomi në disa universitete të njohura dhe tani menaxhon projektet e prokurimit të IT-së për bankën UBS dhe kompani të tjera.
Përgjegjësitë e saj përfshijnë iniciativat kryesore të prokurimit në fushat e harduerit të IT-së, softuerit dhe zgjidhjeve cloud, duke përfshirë analizën dhe llogaritjen e kostove të prokurimit.
Vildanja ka mbaruar Kolegjin e Gjuhëve në Leeds, MB, ka diplomën Bachelor në Shkencat FHO në “Administrim Biznesi HF, HTW Chur, Master për “Studime të Avancuara në Transformimin Dixhital, ZHAW Winterthur në Universitetin e Shkencave të Aplikuara, të Cyrihut.
Eni Dibra Hoffmann është një pianiste dhe pedagoge e shquar e pianos në Bernë.
Pas përfundimit të Liceut Artistik “Jordan Misja” në Tiranë, ajo fitoi bursë për të ndjekur studimet në Konservatorin e Neuchâtel, Zvicër, ku përfundoi me sukses virtuozitetin nën drejtimin e Sylvianne Deferne, duke u dalluar për rezultatet e shkëlqyera.
Ajo ka marrë pjesë në masterklase me disa nga pianistët më të njohur në botë, duke përfshirë Naum Shtarkman, Luiz de Moura Castro, Paul Badura Skoda, Florent Boffard dhe Gerardo Vila.dhe nderua me çmimin prestigjioz “12° Concorso internazionale di canto solistico” në Gorizia.
Drenusha Hajdini punon në institucionin që njihet si “Kancelaria Federale” e Zvicrës, në Bernë, e vendosur në Pallatin Federal, ku është edhe Qeveria e vendit (Këshilli Federal) dhe Parlamenti me të dy dhomat.
Ajo ka përfunduar studimet për bachelor në shkencat politike dhe pastaj masterin për menaxhment publik.
Po ashtu kam studiuar jo vetëm në Universitetin e Lozanës, por edhe në Universitetin e Bernës për të përvetësuar gjuhën gjermane, pasi kishte synim të punoj në administratën federale dhe njohja e të dy gjuhëve është parakusht.
Fabiola Rama është shqiptarja e shkolluar në Japoni dhe tani konsiderohet storje suksesi në Cyrih.
Fabiola përfundoi studimet universitare në Universitetin e Tiranës, Fakultetin Ekonomik, dega Financë dhe Kontabilitet. Po ashtu përfundoni studimet MBA në fushën e Menaxhimit të Korporatave, e specializuar në Burimet Njerëzore, pranë Universitetit të Toyama-s, Japoni.
Ajo tani është punësuar si Specialiste e Burimeve Njerëzore pranë kompanisë Global Project Services A.G, është përgjegjëse e rekrutimit dhe mobilizimit të burimeve njerëzore në disa projekte të mëdha në Europë, Azi, dhe Amerikën Latine.
Vanesa Lika, artiste e re, por me potencial të madh në Zvicër, ka lindur në Gjenevë, rrjedh nga një familje shqiptare, prindërit e së cilës janë me prejardhje nga Kaçaniku.
Veçantitë në pikturat e Vanesës janë portretizimi i femrave me veshje kombëtare, ku përmes tyre tregon saktësisht peshën e femrave shqiptare, delikatesen e veshjes së tyre, duke i gërshetuar ngjyrat më të bukura për to.
E pyetur se cila është një nga piktuart që është pëlqyer më së shumti nga audienca zvicerane, Vanesa tregon se nuk mund të specifikojë njërën pikturë më shumë se tjetrën, pasiqë, sipas saj, të gjitha e kanë ndjeshmërinë e tyre.
