Gjatë muajit gusht, Letnica e Vitisë është vizituar nga shumë mysafirë nga e mbarë Kosova, qytetarë të tjerë nga viset e tjera të shteteve të rajonit, nga Maqedonia, Shqipëria, Mali i Zi e nga Kroacia, për të marrë pjesë në aktivitetet që mbahen për nder të festës së njohur me emrin “Zoja e Letnicës”.
Në kuadër të kësaj feste sot u mbajt edhe mesha qendrore e festës ku morën pjesë përfaqësues të Institucioneve Lokale të Vitisë, KFOR-it, Ambasadave të huaja ,besimtarë të krishterë por edhe mysafir nga vendet e ndryshme të botës.
Kryetari i komunës së Vitisë, duke përshëndetur të pranishmit, tha se është nder dhe kënaqësi e veçante që në emër të institucioneve komunale të Vitisë, dhe në emër të qytetarëve të kësaj komune, të shpreh nderimin tim më të thellë , admirimin tim më të madh, si dhe urimet më të përzemërta për këtë festë, të Zojës së Madhe, apo të ngriturit e Zojës së Bekuar në Qiell.
“Shfrytëzoj rastin që të uroj shumë dashuri, harmoni e solidaritet midis njerëzve. Festat dhe çdo datë e shënuar si kjo, le të na shërbejmë që të reflektojmë respekt e mirënjohje të ndërsjellë. Të lutemi për dashuri e paqe në botë për gjithë njerëzimin. Letnica për çdo vit, më 15 gusht, hap zemrën dhe mirëpret besimtarë nga gjitha anët. Mirëpret ata që të jenë vizitor të kishës, nga aty, ku Nënë Tereza nisi shtegtimin e humanizmit nëpër botë. Nga këtu, për dekada me radhë, ajo përçoi mesazhin e paqes e dashurisë njerëzore në mbarë botën, për të mbetur simbol i humanitetit dhe shpirtbardhësisë shqiptare deri në amshim”, tha kryetari Haliti.
Në meshën për nderë të kësaj feste, besimtarët katolik, u lutën për dashuri dhe harmoni mes njerëzve.
Përndryshe me qëllim të organizimit sa më të mirë të kësaj feste Komuna e Vitisë në bashkëpunim me mekanizmat tjerë ka hartuar paraprakisht edhe planin e veprimit i cila sot është realizuar./GJILANI INFO/
