Indeksi i tërësishëm i harmonizuar i çmimeve të konsumit është më i lartë në një mesatare prej 4,2% në muajin shtator 2023, krahasuar me muajin shtator 2022.
Sipas Agjencisë së Statistikave të Kosovës, kjo kryesisht është shpjeguar me ngritjen e çmimeve të konsumit në këtë periudhë te grupet dhe nëngrupet e COICOP-it: perime (25,4%); pemë (14,1%); mallra dhe shërbime për mirëmbajtjen e zakonshme të ekonomisë shtëpiake (11,0%); prodhime ushqimore (9,6%); sheqer, reçel, mjaltë, çokollatë dhe ëmbëlsira (9,3%); gjëra dhe pajisje të tjera rekreative, kopshte dhe manare (7,4%); pije joalkoolike (7,1%); pije alkoolike, duhan (6,6%); mirëmbajtje dhe rregullim i vendbanimit (6,5%); kujdes personal (5,9%); shërbime për transport (5,5%); bukë dhe drithëra (5,3%); restorante dhe hotele (4,3%); energji elektrike, gaz dhe lëndë të tjera djegëse (4,1%); shërbime ambulatore (4,1%); shëndetësi (3,6%); rekreacion dhe kulturë (3,5%); veshje dhe këpucë (3,4%); mish (2,7%); mallra dhe shërbime të ndryshme (2,7%); dhe qumësht, djathë dhe vezë (1,5%), me një ndikim të përbashkët të këtyre nëngrupeve prej 4,4 për qind në IHÇK.
Ndërsa, rënie e çmimeve vërehet te grupet dhe nëngrupet e COICOP-it: vajra dhe yndyra (-12,7%) dhe përdorim i pajisjeve për transportin personal (-1,1%), me një ndikim të përbashkët të këtyre nëngrupeve prej (-0,2 për qind) në IHÇK.
